انــــا بــــيــــعـــــــاك
هاقولها قبل ما تقولها .. ده صعب عليا اسمعها
و قبل ما ينتهي المشوار .. بكام خطوة .. هاودعهاها
علم قلبي ينساها .. بعزة نفسي هاكسرها
و جرحي هاسيبه جواها .. و هاكسب قلبي و اخسرها
و كل ما حد يسألني .. هاقول ذكري من الماضي
عشقتك بس يا خسارة .. سنين ضاعت علي الفاضى
يا ذكري كل ما تعدي علي بالي بتجرحني
و طول الليل علي خدي دموع سكاكين بتدبحني
هادور بين سطور قلبي .. و هامسح سطر احزانى
و اقول هانسي انا حبي .. و هابدأ احب من تاني
و بعدك مين يحس بطعم للأيام .. و دمع العين علي خدي ولا بينا
مقدرتي إزاى علي بعادى .. و بعتيني لمين و بكام ؟!
و مش هاسأل علي التفاصيل .. و ايه يعنى يكون لي بديل
و بان قلبك علي أصله .. بدون " مكياج " ولا تجميل
و مهما العمر هيعدي هنتقابل هنا تانى
و تترجيني لو اسامح , و اقولك مش بإمكانى
كنت باخاف علي قلبك و كنت حريص .. ياريت بالغالي بعتيني لكن برخيصه
تيجي تقولي أنا أسفة .. و لا ينفع ... و باقي ذكريات حبك يا دوب قصاقيص
يا ريت الحب بالساهل يا ريت الحب بالمجان .. لكننى دفعت من قلبي شيكات برصيد وفا و حنان
و بعد ده كله تبعتلي .. جواب فاضى بدون عنوان
و ألاقى الختم من برا " أنا بيعاك " .. و صندوق البريد رقمه " يومين و انساك "
و جاى تقولي باتأسف .. و مين يقبل .. أنا رافض اعيش جواك
و بكرة تقولك الأيام علي حالي و تحكيلك
و رغم أنك ظلمتيني أنا و قلبي .. هندعيلك
0 التعليقات:
إرسال تعليق
ملحوظة: يمكن لأعضاء المدونة فقط إرسال تعليق.